Mizoram chhungah Hockey infiamna nasa zawka chawikan leh naupang talent zawn chhuah a nih theihna tura hmalakna kal zelah NI 28 November 2020 (Inrinni) zing dar 7:30 khan Hockey Mizoram chuan Hockey Stick 12 leh a ball pahnih Tuithiang Veng khawtlang an pe. Hockey Mizoram aiawha practice na tur petu Pu Rinfela, General Secretary, Hockey Mizoram chuan," Hockey infiamna hmeichhe lam bikah national lam chuan Mizoram chhungah beiseina sang tak an neih avangin duhsakna kan dawng nasa hle, a ti a. Tuithiang Vengah Hockey tui mi an awm tam ang zelin Hockey khelhna tur hmanrua pawh in pek belh zel a ni ang", a ti. Tuithiang Veng Local Council Chairman, Pu Lalthlamuana chuan, "Tuithiang Veng naupangte hmakhaw ngai leh Hockey khelhna lama naupang talent hai chhuah theihna tur hmanrua an dawn avangin Hockey Mizoram chungah lawmthu a sawi a. Hripui covid-19 avangin infiamna reng reng khelh theih a ni lo a, a rem chan ang zela infiamna pawh kalpui zel a ni ang", a ti. Mizoram chhungah Hockey infiamna nasa zawka chawisan mek a ni a, hemi kawnga beihpui thlak mekah hmeichhia kum lama la naupang zawk, High School chin hnuai lamte tan leh Hockey infiamna lama tui mite tan Hockey zirna hawn reng a ni.